«бош прокуратура» тегли мақолалар
Хоразмда аёл кишини йўловчи поезди уриб кетди
Хоразмда 43 ёшли аёл «Истиқлол-Урганч» йўналишида кетаётган йўловчи поездининг уриб кетиши оқибатида воқеа жойида вафот этди.
Бош прокуратура Деновдаги портлаш бўйича теракт версиясини рад этди
Бош прокуратура матбуот котиби Деновдаги портлаш бўйича теракт версиясини рад этди. Дастлабки маълумотларга кўра, портлашга тахминан бино ичида бир неча соат давомида газ сизиб чиқиши сабаб бўлган. Чақнаш оқибатида 65 та уй зарар кўргани, 6 та хонадон яшаш учун хавфли ҳолатга келиб қолгани айтилмоқда. Вилоят ҳокими Тўра Боболов етказилган зарар давлат томонидан тўлиқ қоплаб берилишига ишонтирмоқда.
Бош прокуратура бошқарма бошлиғи ўринбосари пора билан қўлга тушди
Бош прокуратура бошқарма бошлиғи ўринбосари 29 минг доллар миқдорида пора олган вақтида ушланди. Гумондор ушбу пулларни 2020 йили Олмалиқ прокурори сифатида ишлаган вақтидан бери танишининг тендерда ютишига ёрдам берганини айтиб, талаб қилиб келган.
Бош прокуратуранинг вафот этган ходимига оид суд иши бошқатдан кўриб чиқилади
Марҳум ходимнинг отаси нафақа пулларини талаб қилиб, Бош прокуратура устидан апелляция шикояти киритгани маълум қилинганди. Иш Тошкент шаҳар ФИБ судлов ҳайьатида кўриб чиқилди ва марҳумнинг отаси боқувчисини йўқотганлик учун нафақа олиш ҳуқуқига эга эмаслиги аниқланди. Иш биринчи инстанция судига марҳумнинг турмуш ўртоғи иштирокида кўриб чиқиш учун юборилди.
Андижон давлат университетида ота-оналар мажлисига келган аёл 4-қаватдан тушиб кетди
28 ёшли аёл Андижон давлат университетига талабанинг оила аъзоси сифатида ота-оналар мажлисига келган. Шунда у бинонинг 4 қаватида уяли алоқа телефон аппаратидан фойдаланиб, эҳтиётсизлиги оқибатида таъмирланётган зиналардан юрган ва пастга йиқилган. Бош прокуратура ҳолат юзасидан жиноят иши қўзғатди.
Фуқаролардан Жанубий Корея ва Австралия давлатларига юбориш эвазига пул талаб қилган шаслар қўлга олинди
Фарғона ва Бухоро вилоятларида фуқароларнинг ишончига кириб, уларни Жанубий Корея ва Австралия давлатларига юборишни ваъда қилган ва бунинг эвазига пул талаб қилган шаслар қўлга олинди. Уларга нисбатан фирибгарлик моддаси билан жиноий иш қўзғатилди.
Фарғона ва Наманганда ер майдонларини ноқонуний сотмоқчи бўлганлар қўлга олинди
Фарғонада корхона раҳбари 0,5 гектар ерни 100 минг долларга сотмоқчи бўлганида қўлга олинди. Наманганда эса фермер хўжаликлардан бирида раҳбар 5 гектар ерни боғ учун ажратиб бериш эвазига 96 млн сўм сўрагани айтилмоқда. Уларга нисбатан Жиноят кодексининг фирибгарлик ва пора бериш моддалари билан иш қўзғатилди.
Тошкент вилоятида эр-хотин ис газидан заҳарланиб, вафот этди
Оққўрғон туманида 26 ёшли фуқаро ва унинг 24 ёшли турмуш ўртоғи ис газидан заҳарланиб, вафот этди. Суд-тиббий экспертизанинг дастлабки маълумотига кўра, уларнинг ўлимига заҳарланиш, ўткир юрак қон томир нафас етишмовчилиги, мия ва ўпкалар шиши сабаб бўлган. Вазият юзасидан туман прокуратураси терговга қадар текширув ўтказмоқда.
Асакада 9 ёшли қизчанинг ўлимида гумон қилинган аёл қамалди
Асакада 2020 йилнинг июнида 9 ёшли қизалоқни ўлдиришда гумонланган қўшни аёл айбдор деб топилиб, 12 йил 4 ой 24 кун озодликдан маҳрум қилинди.
Андижонда туман электр тармоқлари бухгалтери блогер аёлни калтаклагани айтилмоқда (тўлдирилди)
Андижонлик блогер Фатима Жўраева Улуғнор тумани электр тармоқлари бухгалтери томонидан калтакланганини таъкидламоқда. Бунга фермерларга сунъий равишда қарздорлик ёзилгани бўйича изоҳ сўрагани сабаб бўлгани айтилмоқда. Мазкур ҳолат бўйича туман ИИБ томонидан терговга қадар текширув ҳаракатлари бошланди. Текширув ҳаракатлари Бош прокуратура томонидан назоратга олинди. Андижон туман электр тармоқлари корхонаси эса аёлнинг калтакланганини рад этиб, воқеа жойидан олинган ёзувни тақдим этди.
Бош прокуратура жиддий хато ва камчиликларга йўл қўйган 18 нафар ходимни интизомий жазога тортди
Бош прокуратура ҳайъат йиғилишида 18 нафар ходим интизомий жазога тортилди. Ушбу ходимлар фаолиятида жиддий хато ва камчиликларга йўл қўйган ҳамда хизмат вазифаларига совуққонлик билан муносабатда бўлгани учун жазоланган.
«Тошкент сув таъминоти» Олмалиқ шаҳар филиали бошлиғи пора билан қўлга тушгани айтилмоқда
«Тошкент сув таъминоти» Олмалиқ шаҳар филиали бошлиғи ва етакчи мутахассиси тадбиркордан савдо мажмуасини қуришда сарфланаётган сув баённомасини базага киритмаслик учун 2000 доллар талаб қилгани айтилмоқда. Етакчи мутахассис пулларнинг бир қисмини олганида қўлга тушган.
Ички ишлар вазирига мурожаат йўллаган собиқ профилактика инспектори қамоққа олинди
Наманган шаҳар ИИБ раҳбарияти устидан шикоят қилиб, ички ишлар вазирига видеомурожаат йўллаган собиқ профилактика инспектори бошқалар номида катта миқдорда кредит олиб, ўз эҳтиёжлари учун ишлатиб юборганликда айбланмоқда. Ҳолат юзасидан жиноят иши қўзғатилиб, гумонланувчи қўлга олинди.
Ҳокимларнинг ғалла етиштирувчилар фаолиятига ҳар қандай аралашуви тақиқланди
Президент ҳокимларнинг ғалла етиштирувчилар фаолиятига ҳар қандай аралашувини тақиқлашни назарда тутувчи қарорни имзолади. Эндиликда, ҳокимликлар ва ҳуқуқни муҳофаза қилувчи органлар агротехник тадбирлар ўтказиш, кредитлардан фойдаланиш, буғдойни сотиш жараёнларига аралаша олмайди.
Бош прокуратура иш вақтида вафот этган ходими бўйича тегишли идораларга хабар бермаган — Давлат меҳнат инспекцияси
Давлат меҳнат инспекцияси Бош прокуратура иш вақтида вафот этган ходими бўйича Меҳнат вазирлиги ва Тошкент шаҳар Бандлик бош бошқармасига тегишли тартибда хабар бермаганлигини маълум қилди. Олдинроқ марҳум ходимнинг отаси қонунда белгиланган нафақа пуллари тўлаб берилмагани сабабли Бош прокуратура устидан судга мурожаат қилганди. Бироқ, ФИБ Миробод туман суди даъво аризасини рад қилган.
Хўжа Порсо масжиди иши бўйича мансабдор шахсларга нисбатан жиноят иши қўзғатилди
Хўжа Порсо жоме масжидининг тарихий биноси бузилганлиги ҳолати юзасидан Фарғона вилояти маданий мерос бошқармаси мансабдор шахслари ва бошқаларга нисбатан жиноят иши қўзғатилди.
Марғилон шаҳар халқ таълими бўлими собиқ бошлиғи 1,7 млрд сўмни ўзлаштирганликда айбланмоқда
Марғилон шаҳар халқ таълими бўлими собиқ бошлиғи қурилиш даврида 1,7 млрд сўм миқдордаги маблағларни талон-торож қилганликда гумонланиб, қўлга олинди. Унга нисбатан жиноят иши қўзғатилди.
Марҳум ходимнинг отаси нафақа пулларини талаб қилиб, Бош прокуратурани судга берди
Апрель ойида вафот этган Бош прокуратура ходими Самир Раҳмоновнинг отаси қонунда белгиланган тартибда нафақа пуллари тўлаб берилмаганини маълум қилди. Шу сабаб марҳумнинг отаси Бош прокуратура устидан судга мурожаат қилди. Бироқ, ФИБ Миробод туман суди даъво аризасини рад қилди. Даъвогар эса судга апелляция шикоятини киритган.
Қашқадарёда 9 йил олдин содир этилган мудҳиш қотиллик фош этилди
Қашқадарёда 2012 йилда Nexia-2 ҳайдовчисини ўлдириб, далага кўмиб юборган шахслар жинояти фош этилди.
Хўжа Порсо масжиди иши тергов учун Бош прокуратурага юборилди
Фарғона вилояти ҳокимлиги Хўжа Порсо жоме масжидини бузиб қайта қуриш учун масъул идоралар хулосаси олинганини маълум қилди. Маданий мерос агентлиги эса лойиҳа таклифи Илмий-эксперт кенгаши аъзолари томонидан бир овоздан рад этилганини қайд этди. Хўжа Порсо масжиди иши тергов учун Бош прокуратурага юборилди.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг